മദ്രാസ് ഐ.ഐ.ടിയില്‍ എക്‌സിക്യൂട്ടീവ് എം.ബി.എ

മദ്രാസ് ഐ.ഐ.ടിയിലെ എക്‌സിക്യൂട്ടീവ് എം.ബി.എ കോഴ്‌സിന് പഠിക്കാന്‍ താത്പര്യമുള്ളവര്‍ക്ക് ഒക്ടോബര്‍ 19 വരെ ഓണ്‍ലൈനായി അപേക്ഷിക്കാം. വിവിധ ജോലികള്‍ ചെയ്യുന്ന ഉദ്യോഗാര്‍ത്ഥികള്‍ക്ക് ഈ കോഴ്‌സില്‍ ചേര്‍ന്ന് പഠിക്കാം. വിശദ വിവരങ്ങള്‍ക്ക് മദ്രാസ് ഐ.ഐ.ടി യുടെ ഔദ്യോഗിക വെബ്‌സൈറ്റായ www.iitm.ac.in സന്ദര്‍ശിക്കാം

സോഷ്യല്‍ മീഡിയ, ഇന്റര്‍നെറ്റ് മാര്‍ക്കറ്റിംഗ്, ഗ്ലോബല്‍ ബിസിനസ് സൈബര്‍ സെക്യൂരിറ്റി തുടങ്ങിയ വിഷയങ്ങളില്‍ അറിവ് നേടാന്‍ ഈ എം.ബി.എ കോഴ്‌സ് അവസരമൊരുക്കും. മോഡേണ്‍ മാനുഫാക്ച്ചറിംഗ്, 3 ഡി പ്രിന്റിംഗ് എന്നീ മേഖലകളില്‍ അറിവ് ലഭിക്കും. ഉദ്യോഗസ്ഥര്‍ക്കായി ക്രമീകരിച്ചിരിക്കുന്നതിനാല്‍ വാരാന്ത്യങ്ങളിലായിരിക്കും ക്ലാസുകള്‍. ഓണ്‍ലൈനായും ഓഫ്‌ലൈനായും ക്ലാസുകള്‍ നടക്കും. ഒരു അംഗീകൃത സര്‍വകലാശാലയില്‍ നിന്ന് 60 ശതമാനത്തില്‍ കുറയാത്ത മാര്‍ക്കോടെ ബിരുദം ജയിച്ചവര്‍ക്ക് അപേക്ഷിക്കാന്‍ അര്‍ഹതയുണ്ട്. ബിരുദം കഴിഞ്ഞ് മൂന്നു വര്‍ഷമെങ്കിലും ജോലി ചെയ്തിരിക്കണം.

അപേക്ഷിക്കാന്‍ കുറഞ്ഞ പ്രായപരിധിയുമില്ല. പ്രവേശന പരീക്ഷയുടെയും അഭിമുഖത്തിന്റെയും അടിസ്ഥാനത്തിലാണ് തെരഞ്ഞെടുപ്പ്‌